Mu matora y’Abadepite yabaye mu mpera z’Icyumweru gishize abaturage batoye abadepite bari basanzwe mu mirimo itandukanye ndetse imwe utakeka ko uwayikoraga yaba umudepite. Mu batowe kandi harimo uwitwa Zhan Beleniuk ufite Se wakomokaga mu Rwanda witabye Imana uguye ku rugamba.
Nk’uko BBC yabitangaje ngo se w’uyu watowe yari umupilote w’indege za gisirikare akaba yaraguye ku rugamba umuhungu we afite imyaka 11 y’amavuko.
Uyu mugabo w’imyaka 28 asanzwe akunzwe cyane muri Ukraine kuko ari we mukinnyi wamamaye cyane mu mukino wo gukirana. Ni umudepite wo mu ishyaka ry’Umukuru w’igihugu Zelensky.
Se wa Zhan Beleniuk yize ibyo gutwara indege muri Kaminuza ya Kiev aba ari naho amenyanira n’umukobwa baje gushakana
Depite Beleniuk yatangiye umukino wo gukirana afite imyaka ikenda. Yatsinze imikino myinshi mu bihugu by’Uburayi ndetse atsindira umudari wa bronze mu mikino Olympique yabereye muri Rio de Jineiro muri Brezil, icyo gihe hari muri 2016.
Depite Beleniuk yatangaje ko akunda inkomoko ye yo mu Rwanda no muri Africa muri rusange ariko nanone akemera ko afite n’amaraso ya Ukraine.
@umuringanews.com
